საერთაშორისო რეცენზირებადი სამეცნიერო ელექტრონული ჟურნალი „დიგიტალური ქართველოლოგია“ წარმოადგენს სამეცნიერო -საგანმანათლებლო საზოგადოების დიგიტალური ჰუმანიტარიის აკადემია - საქართველო ყოველწლიურ ჟურნალს და მიზნად ისახავს დიგიტალურ ჰუმანიტარიაში მომუშავე სპეციალისტებისათვის აკადემიური პლატფორმის შექმნას სამეცნიერო ნაშრომების გამოსაქვეყნებლად.

ჟურნალში წარმოდგენილი დარგები:
დიგიტალური ჰუმანიტარია
დიგიტალური ქართველოლოგია
დიგიტალური კავკასიოლოგია
დიგიტალური ლექსიკოგრაფია
თარგმანმცოდნეობა
ქართული ენის ტექნოლოგიები
კორპუსლინგვისტიკა

ჟურნალის ფორმა და მოცულობა:
- ჟურნალი „დიგიტალური ქართველოლოგია“ წარმოადგენს ორენოვან ელექტრონულ ჟურნალს - სტატიები ქვეყნდება ქართულ და ინგლისურ ენებზე;
- ჟურნალი გამოიცემა ელექტრონული ფორმით და არ გააჩნია ბეჭდური ვერსია;
- ჟურნალის თითოეულ ნომერში გამოქვეყნდება არა უმეტეს 20 სტატიისა;
- ჟურნალი რეცენზირებადია;
- ჟურნალი გამოიცემა წელიწადში ერთხელ.
- სტატიების წარმოდგენის ბოლო ვადა: ყოველი წლის 30 აპრილი.
- ჟურნალში გამოქვეყნებული სტატიის ტექნიკური პარამეტრები:
- ავტორებმა სტატია უნდა წარმოადგინონ ქართულ და ინგლისურ ენებზე;
- სტატიის მოცულობა არ უნდა აღემატებოდეს 4200 სიტყვას (15 ნაბეჭდი გვერდი, A4 ფორმატი, 1,15 ინტერვალი).

რეცენზირება
გამოსაქვეყნებლად წარმოდგენილი სტატიების შეფასებას ახორციელებს ორი დამოუკიდებელი ექსპერტი. რეცენზირების შემდეგ სტატია დამატებით განიხილება ჟურნალის სამეცნიერო საბჭოს მიერ.